كلمات الاغنية

احـــس مرايتي تبكي علـى شايب اشوفه شاب
تشوف مرايتي شيبي واشوفــه طفل في عيني
اجامل باقـــي سنيني واقـــول ان العمر كــذاب
احـــسب ان المشاكل فيه وأثـــر المشكلة فـيني
نعيــش الـــوقت وتمـــر الليالي مـــالها حـــساب
وفي لحظة فكر هوجست وش باقي من سنيني
قمـــر ذاك الشباب اللـــي مـــن اول قـــد غـــاب
وشمس الشيب بانت واشـــرقت والنور معميني
شـــبابي راح مــاودي وشيبي ماعـــنه مجـــناب
غـــدت كـــل السنين وكـــلها يانـــاس يـــوميني
افل الروح وامضـــي في مكاتيبي مع الأصحاب
وانا احسب عمري الحاضر مثل ماضيه للحيني
وشفت مـــرايتي والوجه شيبي وشــعري شاب
ومن شفته وكـــن الشيب من نومي يصحـــيني
يقـــول ان العمـــر بأيد الولـــي الواحــد التواب
وبان المـــوت عابـــر فـــوق سبعيني وعشريني
كان المـــوت لاجاء للعبد يأتـــي بـــدون اسباب
ولا ينجـــيه غيـــر انه مـــع جـــمع المصـــليـني
يعنـــي كـــل هالعالم سلاطين ودول واحـــزاب
لهم نفـــس القـــبر محــفور تجــار ومساكيـــني
وصـــاتي ياعلي درب المـــراجل كــلها كـــساب
ترى طاري الرجـــل باقـــي ولو هو مات ياعيني
تقـــدى في ابوك وخـــل ياسر لك طــريق وباب
تنشـــد عـــن وفـــاء الضلعي وتلـــقاها عناويني